Hjá Já fer fram söfnun og vinnsla á persónuupplýsingum í tengslum við ábendingar sem berast gegnum miðla Já. Þær upplýsingar sem óskað er eftir við innsendingu ábendinga í gegnum miðla Já eru nauðsynlegar til að uppfylla þjónustu við viðskiptavini og til að geta bæði unnið og brugðist við ábendingum og er vinnslan því heimil á grundvelli samþykkis.
Já hf., Lynghálsi 4, 110 Reykjavík, er ábyrgðaraðili þegar kemur að vinnslu upplýsinganna en spurningum og ábendingum má koma á framfæri hér: ja@ja.is.
Persónuupplýsingum er ekki eytt nema ef ósk kemur frá viðskiptavini og þá er gögnum eytt innan 90 daga.
Vinnslu- og stoðþjónustuaðilar varðandi hýsingu gagna fá aðgang að nauðsynlegum upplýsingum skv. vinnslusamningum.
Öryggi gagna er tryggt til hins ítrasta sbr. öryggisstefnu fyrirtækisins.
Lög um persónuvernd tryggja rétt þinn til aðgangs, leiðréttingar, eyðingar eða takmörkunar vinnslu persónuupplýsinga er varða þig, rétt þinn til andmæla og til flutnings á eigin gögnum með fyrirvörum skv. lögum. Þau tryggja einnig rétt þinn til að leggja fram kvörtun til Persónuverndar teljir þú á einhvern hátt brotið á rétti þínum við vinnslu persónuupplýsinga. Já hefur á að skipa óháðum persónuverndarfulltrúa með sérþekkingu á lögum og lagaframkvæmd á sviði persónuverndar til að tryggja faglega vernd persónuupplýsinga. Nánari upplýsingar má sjá í persónuverndarstefnu Já.
